Tjaldstæðið í Ólafsvík er staðsett neðst í fallegri og skjólsælli hlíð við útjaðar bæjarins að austanverðu, við Hvalsá.

Glæsilegt þjónustuhús er á tjaldsvæðinu og öll almenn þjónusta í göngufæri við tjaldsvæðið, þ.m.t. góð sundlaug með rennibraut og líkamsræktaraðstöðu, verslanir og veitingastaðir. Í Ólafsvík er einnig hægt að fara í hvalaskoðun.

Á sumrin skín sólin í hlíðina allan daginn og er þaðan gott útsýni yfir dalinn. Skemmtilegar gönguleiðir liggja frá tjaldsvæðinu. Á tjaldsvæðinu er einnig leikvöllur fyrir börn, níu holu frisbígolfvöllur og stutt er í skógræktina í Ólafsvík.

Á tjaldsvæðinu í Ólafsvík má finna eftirfarandi þjónustu:

Klósett (aðgengi fyrir fatlaða)

Sturta (aðgengi fyrir fatlaða)

Heitt og kalt vatn

Eldunaraðstaða

Vaskarými

Úrgangslosun

Rafmagn/rafmagnstenglar

Internet

Frisbígolfvöll

Leikvellir fyrir börn