ESv | 03.05.2021 23:34
LITLAR BREYTINGAR TIL 13.MAÍ

Þegar þetta er skrifað að kvöldi 3. maí er að sjá hálfgerða einstefnu í langtímaspám.

Allar líkur eru á svipuð veðri áfram.  Spákort ECMWF sýnir stöðuna í 500 hP, mánudaginn 10. maí.  Fyrirstöðuhæð enn yfir Grænlandi og hér enn  ríkjandi háþrýstavæði.  N-átt í háloftunum og enn bæði þurrt og fremur kalt.  Næturfrost áfram tíð.  Þau ásamt skorti á vætu veldur því að gróðurframvinda verður enn hæg. 

Þó ekki beinlínis hret, heldur þurranæðingur nánast út í eitt.

Eftir 13. maí má sjá nokkra möguleika.  Sá líklegasti reiknar með vindsnúningi í háloftunum til SV - en áfram hár þrýstingur, þurrviðri enn og sólríkt  en hlýnar þá eitthvað og dregur úr næturfrostum.  Möguleiki er einnig á grunnum lægðum með vætu og S-átt, en sennilega ekki fyrr en eftir miðjan mánuð. Hann reiknast smár. 

Rek hæðarinnar til austurs er einn möguleikinn og heldur stærri (20-30%) þ.e. er  frá Grænlandi til  Skandinavíu um og upp úr 13. maí.  Slík breyting mundi á endanum leiða til sunnanáttar.  Þá er ótalinn sá möguleikinn sem sem kalla má svipað veðurlag í einhverja daga til viðbótar!